Nuk është shaka: Komediani Zelensky zgjidhet president i Ukrainës

19:48 | 21 Prill 2019
Trina Galanxhi

Komediani ukrainas, Volodymyr Zelensky, pa përvojë politike ka fituar në zgjedhjet e balotazhit duke u bërë presidenti i ardhshëm i Ukrainës, raporton BBC.

Sipas rezultateve, Zelensky kishte fituar 73 për qind të votës dhe Poroshenko vetëm 25 për qind.

Volodymyr Zelensky, që e luan presidentin fiktiv në një serial të popullarizuar televiziv, ka qenë vazhdimisht në epërsi nëpër anketa karshi presidentit aktual, Petro Poroshenkos, përkrahja për të cilin ka pësuar shkaku i përpjekjeve të ngathëta për luftimin e korrupsionit si dhe uljen e standardeve jetësore.

41 vjeçari Zelensky kishte fituar edhe raundin e parë të zgjedhjeve më 31 mars, me më shumë se 30 përqind, duke lënë prapa Poroshenkon me 16 përqind të votave.

Presidenti i Ukrainës ka fuqi të rëndësishme mbi sigurinë, mbrojtjen dhe politikën e jashtme të vendit.

Pas votimit të dielën, Zelensky tha: “Sot do të jetë fitorja e ukrainasve, fitorja e Ukrainës dhe – shpresoj – fitorja e një zgjedhjeje të drejtë”./kk/

Shpërndaje në rrjete sociale

Lajmet më të lexuara

Të ngjashme

Foto lajm