Nuk dorëzohet Kim Jong-un, thotë se vendi po shënon “rritje ekonomike”

00:15 | 10 Tetor 2017
Trina Galanxhi

“Kursi për zhvillimin e ekonomisë dhe programit bërthamor është i saktë dhe ekonomia e vendit është duke shënuar rritje”, ka deklaruar lideri i Koresë Veriore.

Ai ka shtuar se situata aktuale dëshmon se partia e tij ka zgjedhur rrugën e duhur për të zhvilluar ekonominë dhe energjinë bërthamorë njëkohësisht, përkundër “sulmeve brutale nga Shtetet e Bashkuara dhe satelitëve të saj”, shkruan agjencia e lajmeve koreano veriore, transmeton portali arbresh.info

Kim Jong-un shtoi se është e “nevojshme që Korea Veriore të forcojë vetëbesimin për të parandaluar një luftë bërthamore”.

Sipas tij, armët atomike lejojnë që njerëzit të gëzojnë një jetë të lumtur nën qiellin e kaltër, duke parandaluar luftën bërthamore.

“Ato janë të nevojshme për t’u mbrojtur kundër kërcënimit bërthamor afatgjatë të imperalizmit amerikan”, ka shtuar ai.

Në korrik, Bloomberg raportoi se ekonomia e Koresë së Veriut u rrit me rreth 3.9 përqind në 2016, në rreth 28.5 miliardë dollarë, ritmi më i shpejtë në 17 vjet./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm