Një varkë me emigrantë fundoset pranë Tunizisë, 4 të vdekur

09:49 | 20 Maj 2022
Lorik Gerbeshi

Katër persona kanë humbur jetën pas fundosjes së një varke me emigrantë në Tunizi, raporton Anadolu Agency (AA).

Sipas agjencisë zyrtare tuniziane të lajmeve TAP, anija u fundos në brigjet e Safakes. Raportohet se u shpëtuan 44 persona, ndërsa u gjetën trupat e katër emigrantëve të paregjistruar. Janë shpallur operacione kërkimi dhe shpëtimi për dhjetë persona të zhdukur.

Bëhet fjalë për emigrantë nga Tunizia.

Vendet në Afrikën e Veriut, si Tunizia dhe Libia, konsiderohen si pikënisje për emigrantët e parregullt që duan të hyjnë ilegalisht në Evropë.

Çdo vit, mijëra emigrantë përpiqen të kalojnë Mesdheun nga Afrika dhe të arrijnë në Evropë në kërkim të një jete më të mirë.

Shpërndaje në rrjete sociale

Lajmet më të lexuara

Të ngjashme

Foto lajm