Presidenti i Turqisë Recep Tayyip Erdoğan sot ka kritikuar ashpër botën perëndimore lidhur me invazionin rus në vitin 2014 të Gadishullit të Krimesë në Ukrainë, duke thënë se një përgjigje më e fortë atëherë mund të kishte parandaluar luftën aktuale të Moskës kundër Ukrainës, raporton Anadolu Agency (AA).
“Nëse i gjithë Perëndimi do të kishte zhurmuar kundër pushtimit të Krimesë në vitin 2014, a do të përballeshim me pamjen e sotme?”, tha Erdoğan në ceremoninë e hapjes së Forumit treditor të Diplomacisë në Antalya në Turqinë jugore.
Ukraina është braktisur në kauzën e saj të drejtë, tha presidenti turk, ndërsa lufta Rusi-Ukrainë shënon ditën e saj të 16-të.
“Shpresa jonë është që përmbajtja dhe arsyeja e shëndoshë do të mbizotërojnë dhe armët të heshtin sa më shpejt të jetë e mundur”, tha ai për luftën.
Duke përsëritur thirrjen e tij për të reformuar Këshillin e Sigurimit të OKB-së, të cilin ai e ka quajtur jopërfaqësues dhe të vjetëruar, presidenti Erdoğan tha se duhet të formohet një strukturë e re e sigurisë globale për të mbrojtur më mirë paqen dhe për t’i shërbyer njerëzimit në vend të status quo-së.
Derisa mbështeti luftën legjitime të ukrainasve, Erdoğan foli kundër demonizimit të artit, letërsisë ose performuesve të Rusisë, duke thënë: “Praktikat fashiste kundër shtetasve dhe kulturës ruse në vendet perëndimore nuk mund të jenë kurrë të pranueshme”.
Lufta e Rusisë kundër Ukrainës, e cila filloi më 24 shkurt, ka tërhequr dënimin ndërkombëtar, ka çuar në sanksione financiare ndaj Moskës dhe ka nxitur një eksod të firmave globale nga Rusia.
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...