Nga posti i presidentes, në të burgosur

21:54 | 1 Prill 2017
Trina Galanxhi

Presidentja e rrëzuar e Koresë së Jugut, Park Guen-Hye tani është e burgosura me numrin 503.

Ajo është vendosur në një qeli përderisa prokurorët do të vendosin nëse do të ngrisin padi mbi një skandal korrupsioni, gjë që shkaktoi edhe rënien e saj nga posti i presidentes, transmeton portali arbresh.info.

Guen-Hye e ka kaluar natën e saj të parë në izolim, në Qendrën e Paraburgimit në Seul.

Sipas mediave koreane, ajo është trajtuar si çdo i burgosur tjetër.

“Pasi ka bërë dush, ajo ka veshur rrobat e gjelbërta që vesh secili i burgosur”, ka deklaruar një zyrtar i Ministrisë së Drejtësisë.

Prokurorët ende janë duke shqyrtuar akuzat formale ndaj saj, por më herët është deklaruar se ajo dyshohet për marrje të rryshfetit, shpërdorim të autoritetit dhe për përhapjen e sekreteve të qeverisë.

Park do të merret në pyetje deri me datën 19 prill, para se prokurorët të lëshojnë akuzat formale.

Ajo ishte zgjedhur presidente e Koresë së Jugut në vitin 2012./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm