Nevojiten më shumë vullnetarë për të testuar vaksinën kundër koronavirusit

18:58 | 17 Gusht 2020
Arbresh.info

Më shumë se 100,000 persona kanë nënshkruar për të marrë pjesë në testimet e ardhshme nga NHS për testimin e vaksinës kundër koronavirusit, mirëpo duhet edhe më shumë vullnetarë për të provuar vaksinën.

Shkencëtarët kanë thënë se kanë nevojë për më shumë vullnetarë për të kryer testimet me qellim të gjetjes sa më të shpejt të një vaksinë të sigurt, transmeton arbresh.info

Preferohet që vullnetarët të jenë mbi moshën 65 vjeçare.

Sipas shkencëtarëve një numër i madh i testimeve do të fillojnë në sezonin e vjeshtës brenda Britanisë së Madhe dhe për këtë testim nevojitën qindra mijëra vullnetarë.

Vullnetarëve do të ju jepet një vaksinë për testim dhe pastaj kërkohet nga ta që të vizitohen në spital disa herë brenda 6 deri 12 muaj, ku ata do të informohen për studimin shkencor, do të kenë mundësinë të pyesin për çfarëdo preokupim dhe do të kryejnë testet e gjakut.

Gjatë këtyre vizitave ata do të pyeten vazhdimisht rreth ndonjë simptome të paraqitur, shkruan BBC./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm