Në Portugali kapen 4.2 tonë kokainë, vlera mbi 90 milionë euro

08:54 | 3 Maj 2023
A. B.

4.2 tonë kokainë janë kapur në Portugali.

Vlera e drogës kap shumën e 100 milionë dollarëve (apo mbi 90 milionë eurove), shkruan EuroNews.

Lidhur me këtë rast akoma nuk raportohet për ndonjë të arrestuar.

Siç raportohet nga mediat ngarkesa e kokainës ishte fshehur brenda gjashtë paletave të bananeve.

Sasia e kokainës ishte dërguar nga Kolumbia dhe kishte mbërritur në portin e Setubal në Portugali.

Koordinatori i policisë, Vitor Ananias, theksoi se konfiskimi i kësaj sasie është goditje e madhe për grupin kriminal në fjalë.

Ananias theksoi se ky grup është i njohur për autoritetet.

Aksioni ishte i koordinuar nga policia portugeze dhe nga disa polici tjera ndërkombëtare. Kjo kapje ishte një nga më të mëdhatë të viteve të fundit.

Shpërndaje në rrjete sociale

Lajmet më të lexuara

Të ngjashme

Foto lajm