Hungaria nuk do të mbështesë asnjë sanksion për gazin dhe naftën ruse, ka deklaruar ministri i Jashtëm hungarez Peter Sziyatro.
“Ne nuk i mbështesim propozimet për sanksione energjetike kundër Rusisë”, tha ministri hungarez, transmeton portal arbresh.info
Ai shtoi se kjo vlen jo vetëm për importet e naftës dhe gazit, por edhe për bashkëpunimin me Rusinë në energjinë bërthamore, veçanërisht furnizimin me karburant për termocentralin bërthamor Paks në Hungari.
Ministri i Jashtëm tha se Hungaria, e cila ndan një kufi me Ukrainën, do të bënte “gjithçka” për të garantuar sigurinë e furnizimit të saj me energji.
Deklaratë të njejtë, pati dhënë edhe kryeministri i Hungarisë, Viktor Orban gjatë muajit të kaluar.
“Ndërsa ne dënojmë ofensivën e armatosur ruse dhe dënojmë gjithashtu luftën, ne nuk do të lejojmë që familjet hungareze të detyrohen të paguajnë çmimin e luftës. Prandaj, sanksionet nuk duhet të shtrihen në zonat e naftës dhe gazit,” tha Orban.
Orban beson se sanksionet kundër sektorit rus të naftës dhe gazit do të jenë një “barrë e rëndë në mënyrë disproporcionale për Hungarinë”.
Në fillim të këtij muaji, BE miratoi sanksione të reja ndaj Rusisë, duke përfshirë një embargo ndaj importeve të qymyrit. BE-ja ka thënë se po punon për një raund sanksionesh kundër Rusisë që do të përfshinte edhe importin e naftës./The Independent/arbresh.info/
As legjislatura e 8-të s`do të votojë amendamentet e Projekt...
Iran, 12 të arrestuar për bashkëpunim me Izraelin
Pacolli takon në rrugët e Nju Jorkut një polic nga Deçani dh...
Bashkimi e nis edicionin me fitore, Vëllaznimi njoftohet me ...
Ministri Hasani takohet me homologun Borg: Vlerësim Maltës p...
Musk tërhiqet nga beteja me drejtësinë në Brazil, emëron për...