Google ADS

Në Këshillin Atlantik diskutohet për anëtarësimin e vendeve të Ballkanit në NATO

16:44 | 29 Nëntor 2017
Arbresh.info

Në takimin e Këshilit Atlantik janë diskutuar problemet dhe sfidat me të cilat përballen vendet e Ballkanit, shkruan arbresh.info.

Drejtuesja e këshillit ka thënë që ky këshill ka disa qëllime dhe disa sfida që po përballen vendet e rajonit.

Ajo ka thënë se qëllimi kryesor është integrimi i shteteve të rajonit në gjirin euroatlantik ku sipas saj do të kërkohet bashkëpunimi i të gjithë krerëve në vendet e rajonit për ta arritur këtë qëllim.

Ajo  theksoi poetikisht që “Bashkimi është forca më e madhe që kemi”.

“Duhet të diskutohet për anëtarësimin e vendeve të Ballkanit në NATO. Dyert janë të hapura dhe do të ndodh për çdo vend siç ka ndodhur me Malin e Zi në vitin e kaluar”, tha ajo.

Në fund ajo e ka përmbyllur fjalimin e saj duke treguar që primare për vendet e Ballkanit janë reformat që do të luftonin korrupsionin, krimin e organizuar dhe bashkëpunimin me qëllim që të rritet stabiliteti në rajon dhe të rritet siguria ndaj kërcënimeve që mund të vijnë. /arbresh.info

Shpërndaje në rrjete sociale

Lajmet më të lexuara

Të ngjashme

Foto lajm