Të dhënat paraprake të lëshuara nga HMO Maccabi, agjencia e dytë kryesore e sigurimeve shëndetësore në Izrael, tregojnë se më pak se 0,01 përqind, ose vetëm 20 nga 128,600 njerëzit që morën të dyja dozat e vaksinës Pfizer, u infektuan me koronavirus pas pak më shumë se një javë.

Izraeli aktualisht është ndër udhëheqësit botërorë në fushatën e shpejtë të vaksinimit kundër koronavirusit. Qytetarët filluan të marrin dozat e para më 19 dhjetor, shkruan Reuters, transmeton portali arbresh.info

Çdo javë, izraelitët dërgojnë informacione kompanisë së Pfizer në lidhje me fushatën e vaksinimit të popullatës, në përputhje me një marrëveshje bashkëpunimi që mund të ndihmojë vendet e tjera të rregullojnë mënyrat e tyre dhe ritmin e vaksinimit.

U infektua me covid pasi bëri vaksinën, Pipero: Rasti im nuk do jetë i vetmi! Po investigohet

Nga 20 persona të infektuar, gjysma e tyre vuanin nga sëmundje kronike. Të gjithë treguan vetëm simptoma të lehta, të tilla si dhimbje koke, kollë, por asnjëri nga ata nuk është shtruar në spital dhe nuk ka pasur temperaturë të lartë.

Më shumë se 2.6 milion izraelitë kanë marrë dozën e parë të vaksinës deri më tani, dhe rreth 1.2 milion janë vaksinuar me të dy. Izraeli ka rreth 9 milion banorë.

Që nga fillimi i pandemisë në Izrael janë paraqitur rreth 600 mijë raste me koronavirus dhe janë raportuar 4,478 vdekje./arbresh.info/