Militantët kanë sulmuar një qendër trajnimi të mamive në Afganistan, duke vrarë dy roje dhe një shofer dhe duke plagosur 8 persona të tjerë.
Sulmuesit vendosën eksplozivë dhe qëlluan me armë zjarri në qendrën e Xhalalabadit, në provincën Nangarhar. Forcat afgane të sigurisë rimorën kontrollin pas një përleshjeje me armë që zgjati 6 orë.
Asnjë grup nuk ka marrë ende autorësinë e sulmit, edhe pse militantët e Shtetit Islamik kanë kryer disa sulme kohët e fundit në këtë krahinë.
Sulmi filloi rreth orës 11:30 në orën lokale dhe përfundoi rreth orës 18:00.
“Sulmuesit vendosën pajisje eksplozive në rrugë pranë kompleksit”, tha një dëshmitar okular për AFP-në.
Zyrtarët thanë për BBC se një nga sulmuesit vdiq pasi shpërtheu pajisjen në jelekun e tij, ndërsa tjetri u vra nga forcat e sigurisë.
Gjithsej, 61 mami dhe dy fëmijë u shpëtuan nga kompleksi. Megjithatë, dy roje dhe një shofer u vranë, ndërsa 3 anëtarë të forcave të sigurisë, 3 civilë dhe dy punonjës të qendrës u lënduan.
Qendra e sulmuar ofron kurse trajnimi 2-vjeçare për gratë. Nuk dihet arsyeja pse qendra e trajnimit të mamive ishte në shënjestër.
Militantët shpesh zgjedhin ndërtesat zyrtare dhe objektet mjekësore për sulmet e tyre dhe shumë afganë kundërshtojnë gratë e pamartuara që punojnë jashtë shtëpive të tyre.
Më shumë se 50% e lindjeve në Afganistan zhvillohen pa një mami të trajnuar.
Trepça nesër luan sfidën e dytë për kualifikim në Ligën e Ka...
Hoxha vizitë zyrtare në Ankara, merr pjesë në panairin e sig...
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...