Google ADS

Ndryshimet klimatike: Mijëra njerëz marshojnë në Bruksel

09:46 | 11 Tetor 2021
Trina Galanxhi

Mijëra protestues kanë dalë në rrugë në Bruksel për të kërkuar veprime më të guximshme në luftimin e ndryshimeve klimatike në samitin e Kombeve të Bashkuara për klimën që fillon këtë muaj.

Të veshur si peshq, tirgra ose si arinjë polarë, demonstruesit kanë mbushur rrugët e kryeqytetit të Belgjikës, duke kërkuar drejtësi për klimën, transmeton portal arbresh.info

Parullat që mbanin marshuesit në dorë ishin në gjuhë të ndryshme.

“Politikanët vdesin nga pleqëria, Rosa vdiq nga ndryshimet klimatike,” tha një banderolë duke iu referuar një 15-vjeçari që u përfshi nga lumi Ourthe i Belgjikës në korrik, kur Europa u godit nga reshjet masive të shiut dhe përmbytjet.

Mijëra njerëz që përfaqësojnë më shumë se 80 organizata morën pjesë në protestë, e cila konsiderohet si ngjarja më e madhe në Bashkimin Europian që nga fillimi i pandemisë.

Policia vlerësoi të paktën 25,000 marshues, ndërsa organizatorët e vendosën numrin në 70,000./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm