Një shikim i përhumbur në sytë e Amal Hussain, një 7-vjeçare e dobësuar e shtrirë në heshtje në një shtrat spitali në Jemenin verior, dukej se përmblidhte rrethanat në shtetin e saj të shkatërruar nga lufta.

Portreti i vajzës së uritur që u botua në The New York Times javën e shkuar tërhoqi vëmendjen e lexuesve, transmeton portali arbresh.info.

Ata shprehën thyerje të zemrës. Ata ofruan para për familjen e saj, madje edhe i shkruan për të pyetur nëse ajo po bëhej më mirë.

Të enjten, familja e saj tha se Amal kishte vdekur në një kamp refugjatësh katër milje nga spitali.

“Zemra ime është thyer”, tha nëna e saj, Mariam Ali, e cila qante gjatë intervistës telefonike.

“Amal ishte gjithnjë e qeshur. Tani jam e brengosur për fëmijët e tjerë”.

Kostoja njerëzor e luftës së udhëhequr nga sauditët në Jemen është futur në agjendën globale, pasi vrasja e disidentit saudit Jamal Khashoggi i bëri udhëheqësit perëndimorë të rishikojnë mbështetjen e tyre për luftën.

Kohët e fundit, Shtetet e Bashkuara dhe Britania, furnizuesit më të mëdhenj të armëve të Arabisë Saudite, kërkuan një armëpushim në Jemen. Sekretari i Mbrojtjes Jim Mattis tha se duhet të hyjë në fuqi brenda 30 ditëve.

“Ne duhet të lëvizim drejt një përpjekjeje paqeje këtu dhe nuk mund të themi se do ta bëjmë atë pak kohë në të ardhmen”, tha zoti Mattis të martën.

Publikimi i imazheve të Jemenit të kequshqyer si Amali – një nga 1.8 milion fëmijë të kequshqyer në Jemen – kanë vënë një fytyrë njerëzore nga frika se një uri katastrofike e krijuar nga njeriu mund ta zërë vendin në muajt e ardhshëm.

Kombet e Bashkuara paralajmërojnë se numri i njerëzve në Jemen që mbështeten në racionet e emergjencës, tetë milionë, mund të rritet së shpejti në 14 milionë. Kjo është rreth gjysma e popullsisë së Jemenit./Arbresh.info/