Ministri i Jashtëm rus Sergei Lavrov  i ka quajtur “gjepura” akuzat e ngritura nga këshillat e posaçëm të FBI kundër 13 rusëve për ndërhyrje në zgjedhjet amerikane, ku doli triumfues Donald Trump.

Duke folur në një konferencë të rëndësishme sigurie në Gjermani, Lavrov tha se nuk do të komentonte më tej derisa të shihte “fakte”.

Akuzat e sjella nga Specialisti Robert Mueller konsiderohen si një zhvillim i madh në hetimin e tij të vazhdueshëm për zgjedhjet e vitit 2016.

Presidenti Trump ka thënë se aktakuza tregon se fushata e tij nuk kishte “asgjë të keqe”. Ministri i Jashtëm rus po merret në pyetje nga pjesëmarrësit në Konferencën e Sigurisë në Munih.

I pyetur për akuzat ai mbajti qëndrim të shkurtër, duke thënë se edhe nënkryetari Mike Pence e kishte quajtur hetimin në pyetje.

“Pra, derisa të shohim faktet, gjithçka tjetër është vetëm blasfemi”.

Në një postim të mbrëmjes së premte, Trump përsëriti se nuk kishte “asnjë bashkëpunim” mes fushatës së tij dhe Rusisë.

Megjithatë, ai duket se pranon se Rusia kishte kërkuar të ndikonte në zgjedhje. Presidenti ka kundërshtuar më parë vlerësimet e agjensisë amerikane të inteligjencës që sugjerojnë këtë.

Një nga personat e përmendur në aktakuzë – Yevgeny Prigozhin, i njohur si “kuzhinier i Putinit”, mohoi manipulimin e zgjedhjeve.

“Amerikanët janë njerëz shumë të ndjeshëm, ata shohin atë që duan të shohin”, u citua të thoshte agjencia ruse e lajmeve Ria Novosti të premten. “Unë kam respekt të madh për ta, nuk jam aspak i mërzitur që jam në këtë listë, nëse duan të shohin djallin, le ta shohin atë”.

Prigozhin ka qenë mik i Putin që nga vitet 1990. Ai ka ndërtuar një perandori biznesi dhe është akuzuar për përdorimin e kompanive për të përhapur mendimet pro-Kremlinitnëpërmjet identiteteve të rreme të internetit./gsh/