Google ADS

Myslimanët Rohingya në pritje të një anije për në “vendin e shenjtë” Bangladesh

20:38 | 12 Nëntor 2017
Trina Galanxhi

Rreth 1,000 myslimanë Rohingya që duan të largohen nga Mianmari, kanë qëndruar në plazh për javë të tëra, të ekspozuar në diell, në gjirin e Bengalit, duke pritur një anije që do t’i dërgonte ata në “vendin e shenjtë” Bangladesh.

Duke mbajtur të mbyllur kufijtë e pjesëve veriore të shtetit Rakhine, që kur filloi operacioni kundër kryengritjes, ushtria e Mianmarit bëri një shfaqje të rrallë të hapjes për gazetarë të huaj, transmeton portali arbresh.info

Mbi 600 mijë Rohingya kanë ikur drejt Bangladeshit për të gjetur strehim në kampet e refugjatëve, eksod të cilin OKB-ja e quan “spastrim etnik”.

Për Reuters një nga personat që qëndronte në plazhë ka deklaruar se nuk dëshiron të kthehet në shtëpi, sepse atje nuk mund të mbijetojnë.

Mianmar, një vend kryesisht budist, ka mohuar akuzat e OKB-së, duke këmbëngulur se operacioni i ushtrisë ishte i domosdoshëm nga shqetësimet e sigurisë kombëtare, pasi militantët Rohingya sulmuan 30 postblloqe të sigurisë në Rakhinë me 25 gusht./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm