Në Mykolaiv ka granatime çdo ditë, rusët janë në periferi në lindje dhe jug, duke goditur fshatrat përreth dhe duke detyruar mijëra njerëz të ikin.
Lamtumirat janë bërë një pamje e njohur në të gjithë Ukrainën gjatë 100 ditëve të fundit, por ato janë gjithmonë e më të vështira.
Liudmyla është njëra prej banorëve, e cila ka vendosur që është koha që a fëmijët e saj më të vegjël të largohen, sepse s’mund t’i lejojë ata të luajnë jashtë, derisa bombardimet vazhdojnë.
“Do t’i shoh sërish kur të ndalojnë bombardimet”, u shpreh ajo.
Mykolaiv ishte një nga qytetet e para të sulmuar kur filloi pushtimi, ky rajon është kyç për strategjinë ruse për të prerë të gjithë bregdetin jugor, raporton BBC, transmeton arbresh.info.
Por, përkundër granatimeve e gjendjes së rëndë, Liudmyla thotë se po mundohen të mbahen.
“Falë zotit po mbahemi. Nganjëherë kam shumë frikë se mos më rrëmbejnë dhe më marrin. Nga ana tjetër jam e sigurt dhe vazhdoj t’ua them të gjithëve këtë që nuk kanë punë këtu. Ata duhet të dinë më mirë se sa të bredhin në tokën tonë”, u shpreh tutje ajo. /arbresh.info/
Pronari i Romës e blen klubin e Evertonit
Njëvjetori i rënies së Afrim Bunjakut, Kurti nesër vizitë te...
Rusia fut ndëshkimin për “rusofobinë” në Kodin e saj Penal
Krijimi i shtetit Bektashi brenda vendit, Rama: Thesar për p...
Rama: “Sofra e vjetër” në Tragjas të Vlorës me p...
Hoxha takon shefin e Zyrës së BE-së në Kosovë, e njofton për...