Google ADS

Muzeu Britanik përjashton një punëtor pas zhdukjes së disa artefakteve

23:36 | 16 Gusht 2023
Orgesa Haziri

Muzeu Britanik në Londër e ka larguar nga puna një pjesëtar të stafit dhe policia është duke kryer hetime pas raportimeve se disa artefakte janë “zhdukur, vjedhur apo dëmtuar”.

Aty përfshihen bizhuteri, gjësende të arit dhe gurë të madhësive e formave të ndryshme.

Muzeu ka thënë se shumica e këtyre artefakteve janë ruajtur në një depo.

Drejtori i Muzeut Britanik, Hartwig Fischer, ka thënë se muzeu do të bëjë përpjekje për rregullim dhe gjetjeve të artefakteve.

“Ky është një incident tejet i pazakonshëm. E di që flas për të gjithë kolegët kur them se ne e trajtojmë me shume seriozitet ruajtjen e këtyre gjërave”.

Muzeu ka thënë se ndaj pjesëtarit të përjashtuar nga puna do të merren veprime ligjore.

Policia e Londrës ka nisur të bëjë hetime, ashtu sikurse vetë muzeu, ndaras./rel/

Shpërndaje në rrjete sociale

Lajmet më të lexuara

Të ngjashme

Foto lajm