Adib siguroi 90 vota nga 120 në konsultimet parlamentare për të kërkuar postin. Votimi u mbajt në pallatin presidencial në Baabda, Bejrut.

Presidenti i Libanit, Michel Aoun sot ftoi Mustapha Adib, një diplomat, për të formuar qeverinë e re.

Adib siguroi 90 vota nga 120 në konsultimet parlamentare për të kërkuar postin. Votimi u mbajt në pallatin presidencial në Baabda, Bejrut.

“Nuk ka kohë për fjalë, premtime dhe dëshira, por për të punuar me bashkëpunimin e të gjithëve për hir të rimëkëmbjes së vendit tonë sepse shqetësimi është i madh për të gjithë libanezët”, tha Adib, diplomati më i lartë i vendit në Gjermani në konferencën e tij të parë për media.

“Ne kërkojmë të formojmë një qeveri të njerëzve kompetentë për të realizuar reforma të shpejta, të cilat do ta vendosnin vendin në rrugën e duhur”, tha ai.

Adib, 48-vjeçar, nga qyteti i Tripolit, Libani verior, ka doktoruar në drejtësi dhe shkenca politike. Në vitin 2000 ai mori postin e këshilltarit dhe drejtorit në Zyrën e kryeministrit Najib Mikati derisa u emërua ambasador në Gjermani në korrik të vitit 2013.

Të dielën, krerët e mëparshëm të qeverisë, Mikati, Tamam Salam, Saad Hariri dhe Fouad Siniora, njoftuan kandidaturën e Adib si kryeministër i ardhshëm. Mbështetja e ish-kryeministrave e bëri atë një të preferuar.

Gjashtë ditë pas shpërthimit të fuqishëm që shkaktoi dëme të mëdha në Bejrut, qeveria e Hassan Diab dha dorëheqje më 10 gusht dhe u shndërrua në një qeveri të përkohshme deri në zgjedhjen e një kryeministri të ri.

Më 11 shkurt, qeveria e Diab kishte zëvendësuar qeverinë e Saad Hariri, e cila dha dorëheqje tetorin e kaluar, pas protestave popullore që ngritën kërkesat ekonomike dhe politike./AA/