Musk aktivizon shërbimin e internetit Starlink në spitalin e Gazës

10:22 | 24 Korrik 2024
A B

Shefi ekzekutiv i SpaceX, Elon Musk tha se Starlink është aktivizuar në një spital në Gaza, ku shumë objekte mjekësore janë shkatërruar nga lufta, me ndihmën e Emirateve të Bashkuara Arabe dhe Izraelit.

Ministri i Jashtëm i shtetit arab të Gjirit, Sheikh Abdullah bin Zayed Al Nahyan, falënderoi sipërmarrësin miliarder për mbështetjen, pasi shumë objekte mjekësore janë shkatërruar dhe ilaçet janë të pakta,

“Starlink tani është aktiv në një spital të Gazës me mbështetjen e @UAEmediaoffice dhe @Israel,” postoi Musk në X.

Njoftimi erdhi më shumë se pesë muaj pasi qeveria izraelite dha miratimin për përdorimin e Starlink në spitalin në Rafah, një qytet në jug të Gazës.

Banorët thanë të martën se forcat izraelite kishin hedhur në erë disa shtëpi në Rafah, pranë kufirit me Egjiptin, ku Izraeli tha se operacioni i tij kishte për qëllim të shkatërronte batalionet e fundit të Hamasit./abcnews/

 

Shpërndaje në rrjete sociale

Lajmet më të lexuara

Të ngjashme

Foto lajm