Google ADS

Mot i ligë në Francë, rrufeja mbyt një grua ndërsa 14 persona lëndohen nga përmbytjet

17:30 | 5 Qershor 2022
A. B.

Një grua ka humbur jetën dhe 14 persona janë plagosur në Francë, pasi bubullimat dhe stuhitë me breshër goditën vendin, duke shkatërruar vreshtat dhe duke vonuar fluturimet.

Viktima e përfshirë nga përmbytjet u gjet nën një makinë në qytetin e Normandisë. Rrethanat e vdekjes ishin të paqarta, raporton “The Guardian”.

Banorët e në Francën Jugperëndimore panë breshër me madhësinë e topave të tenisit, ndërkohë që në rajonin e Parisit rrugët ishin të përmbytura nga uji.

Rrufeja po ashtu goditi Kullën Eifel, pa shkaktuar dëme, si dhe disa shtëpi në Lindje të Parisit, sipas autoriteteve lokale.

Mijëra familje mbetën pa energji elektrike të dielën pasi stuhitë goditën të gjithë Francën të shtunën, sipas ndërmarrjes Enedis. Fluturimet jashtë aeroportit Orly të Parisit u pezulluan përkohësisht të shtunën dhe pati vonesa në aeroportin Charles de Gaulle. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm