Rusia ka kërkuar kufizime të ashpra nga aleanca ushtarake e NATO-s, për aktivitetet e tyre në vendet fqinje me kufijtë e Moskës zyrtare.
Tensionet janë rritur mes Rusisë dhe vendeve perëndimore, të cilët kanë frikë se ky shtet po planifikon të pushtojë Ukrainën.
Rusia e ka mohuar këtë, por thotë se NATO-ja duhet të përjashtojë mundësinë e anëtarësimit të Ukrainës dhe të shteteve tjera në NATO për të qetësuar situatën.
Moska dëshiron bisedime urgjente me SHBA-në, por propozimet e saj po shihen si jofillestare në Washington.
Duke iu përgjigjur thirrjes së Moskës për negociata të drejtpërdrejta me SHBA-në, zëdhënësja e Shtëpisë së Bardhë, Jen Psaki u tha gazetarëve “Nuk do të ketë bisedime për sigurinë evropiane pa aleatët dhe partnerët tanë evropianë”.
Zëvendësministri i Jashtëm rus, Sergei Ryabkov, tha se Rusia i kishte dhënë SHBA-së dhe NATO-s dy projekt-traktate.
Në propozimet Rusia i parashtron një sërë kërkesash radikale, ky vend kërkon nga shtetet që iu bashkuan NATO-s pas rënies së Bashkimit Sovjetik, që të mos vendosin trupa ushtarak në zonat ku mund të duken si kërcënim për Rusinë.
Shtëpia e Netanyahut sulmohet me dron, thotë zëdhënësi i tij
I akuzuar nga SPAK, kapet në Itali 35-vjeçari, pritet ekstra...
“TaorminaNews24”: Italianët zgjedhin Shqipërinë në vend të “...
Scholz takohet me Erdogan në Stamboll, në fokus të bisedimev...
Raportet e progresit afër, vetëm Kosova nuk ka lëvizur në dr...
Rutte: Dialogu Kosovë-Serbi nuk po ecën siç do dëshironim