Ministria e Jashtme e Rusisë ka paralajmëruar se çdo veprim që kërcënon trupat e saj në rajonin separatist të Moldavisë, Transnistria, do të shihej si një sulm i drejtpërdrejtë ndaj vetë Rusisë dhe do të shkaktonte një “përgjigje adekuate”.
“Çdo veprim që kërcënon sigurinë e tyre do të konsiderohet sipas ligjit ndërkombëtar si një sulm ndaj Federatës Ruse”.
Paralajmërimi i sotëm erdhi një ditë pasi ministria ruse e mbrojtjes pretendoi se Ukraina po planifikonte të pushtonte rajonin separatist moldav të Transnistrias, pasi organizoi një operacion me flamur të rremë, shkruan The Guardian.
Rajoni i Transnistrisë u shkëput nga Moldavia e atëhershme sovjetike në vitin 1990 dhe kontrollohet nga separatistët rusë.
Ministria ruse pretendoi të enjten se Ukraina – e cila kufizohet me Moldavinë – përbënte “një kërcënim të drejtpërdrejtë” për trupat ruse në rajonin rusofolës.
Qeveria e Moldavisë hodhi poshtë akuzat, duke bërë thirrje për qetësi dhe që publiku të merrte informacionin nga burime zyrtare dhe të besueshme të Republikës së Moldavisë.
Agjencia shtetërore ruse e lajmeve Tass citoi zëvendësministrin e Jashtëm rus Mikhail Galuzin të thoshte se perëndimi kishte udhëzuar qeverinë e Moldavisë në Kishinau që të ndalonte çdo ndërveprim me autoritetet e Transnistrisë të mbështetur nga Moska.
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?