Morën rërë nga plazhi, rrezikon burgun çifti

15:41 | 20 Gusht 2019
Arbresh.info

Një çift francez rrezikon deri në gjashtë vjet burg, kjo pasi që ata u kapën me 40 kilogramë rërë nga një plazh në Sardenjë.

Dyshja thanë se po e merrnin si suvenir dhe se nuk e dinin që kjo gjë përbënte krim, transmeton portali arbresh.info.

U mor nga plazhi i Chia në jug të ishullit dhe u fut në shishe plastike.

Shishet u gjetën nga policia në bagazhin e automjetit të tyre kur po hipnin në traget për në Francë.

Agjencia italiane e lajmeve Ansa tha se ata përballen me një akuzë vjedhjeje, me rrethanën rënduese të vjedhjes së një pasurie të destinuar për shërbimet publike.

Më 1 gusht 2017, marrja e rërës nga Sardenja u bë e dënueshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm