Ky është një moment befasues kur një rinoceront gjigant godet një makinë familjare me bri

Incidenti ndodhi në një park në Puelba, Meksikë dhe është filmuar nga një familje që ndodhej në një automjet tjetër shkruan Dailystar përcjell arbresh.info

Në video shihet rinocronti që qëndron afër një makine të zezë dhe papritur fillon ta godas me bri

Kafsha gjigante godet makinën vazhdimisht edhe pse vozitësi mundohet t’i shmanget ajo vazhdon ta godas.

Vozitësi i bie vazhdimisht borisë së bashku me punëtarët e parkut që mundohen të zgjidhin problemin.

Në këtë incident makina është raportuar si e dëmtuar mirëpo nuk ka pasur lëndime në njerëz.

Parku bëri një deklaratë për shtyp rreth incidentit dhe shpjegoi se ishte një thirrje e një rinoceronti femër për vëmendjen e një rinoceronit mashkull.
Përgjegjësit e parkut shtuan: “Ajo çfarë ndodhi është një rast i mbyllur që ka lidhje me natyrën e egër të këtyre specieve.”

“Ne kemi marr masat e duhura në rast se një gjë e tillë përsëritet prapë. Rinoceronti është larguar nga parku dhe është duke qëndruar në një vend të veçantë derisa periudha e fertilimit të mbaroj.”

Vizitorët që u gjenden në makinë thanë se kishin mbetur të shokuar mirëpo ishte një eksperiencë që nuk do ta harronin kurrë./arbresh.info/