Mishi i disa lopëve të sëmura, të therura në Poloni, është në qendrën e një skandali që ka përfshirë vendin anëtar të BE-së. Euronews ka mësuar se ky mish është shitur në 9 shtete të tjera të bllokut, përfshirë Francën, Hungarinë, Rumaninë, Finlandën dhe Suedinë.
Filmimet e fshehta të televizionit TVN treguan kafshët e sëmura në thertoren e ndodhur 112 km në lindje të Varshavës. Episodi solli reagimin e menjëhershëm të komisionerit evropian të sigurisë ushqimore, Vytenis Andriukaitis.
“Prioriteti tani është të gjurmojmë dhe të tërheqim nga tregu të gjitha produktet që e kanë pasur origjinën nga kjo thertore”, deklaroi ai, ndërsa i bëri thirrje vendeve anëtare të kalojnë menjëherë në veprim. Në të njëjtën kohë, komisioneri i nxiti autoritetet polake të finalizojnë me urgjencë hetimet, e të marrin të gjitha masat e nevojshme për të garantuar respektimin e legjislacionit të BE-së, përfshire këtu edhe hapat e shpejtë dhe efikase kundër shkelësve, sjellja e të cilëve mund të përbejë rrezik për shëndetin publik.
Pamjet filmike tregonin sesi një lopë që nuk rrinte dot në këmbë tërhiqej zvarrë dhe shitej praktikisht pa inspektim veterinar. Zyrtaret vendas u përpoqën ta minimizonin situatën duke tentuar të tregojnë se skandali nuk përfshin veçse një kompani, por Patryk Szczepaniak, reporteri që e zbuloi ngjarjen, këmbëngul se bëhet fjale për një problem kombëtar. Polonia prodhon rreth 560.000 tonë mish në vit, 85% e te cilit eksportohet ne vende qe përfshijnë Britaninë, Spanjën, Italinë dhe Gjermaninë./tch
Veçoria e re në YouTube ju lejon të bëni pyetje për çdo gjë ...
Putini paralajmëron Perëndimin se Rusia mund t’i përdorë arm...
Të përzierat ju shqetësojnë? 6 shkakatarët kryesorë dhe çfar...
Margot Robbie shfaq barkun e rrumbullakosur në një bluzë tra...
Man Utd vetëm barazim ndaj Twente në ndeshjen hapëse të Ligë...
Malaj në takim me Orav: Dialogu mes Kosovës e Serbisë të vaz...