Ministri izraelit i energjisë, Yuival Steinitz, ka paralajmëruar të dielën për mundësinë e sulmeve të drejtpërdrejta ose të tërthorta të Iranit ndaj Izraelit në rast se dalin nga kontrolli tensionet e tanishme mes Tehranit dhe Uashingtonit.
Shtetet e Bashkuara e kanë shtuar presionin ekonomik dhe ushtarak ndaj Iranit. Presidenti amerikan, Donald Trump, ka kërkuar nga udhëheqësit e këtij shteti që të bisedojnë me të për heqjen dorë nga programi bërthamor dhe ka thënë se nuk e përjashton mundësinë e përleshjes së armatosur.
Kryeministri i Izraelit, Benjamin Netanyahu, dhe qeveria e tij, të cilët e mbështesin qasjen e ashpër të Trumpit ndaj Iranit, kanë qëndruar kryesisht të heshtur lidhur me rritjen e tensioneve mes Iranit dhe Shteteve të Bashkuara.
“Nëse ka përleshje mes Iranit dhe Shteteve të Bashkuara ose mes Iranit dhe shteteve fqinje, nuk e përjashtoj mundësinë që Irani ta aktivizojë Hezbollahun dhe grupet tjera ose ata vetë të na sulmojnë me raketa”, tha Steinitz, i cili gjithashtu është anëtar i kabinetit për siguri.
Grupet e Hezbollahut dhe Xhihadit Islamik janë grupe të sponsorizuara nga Irani dhe veprojnë përreth kufijve të Izraelit.
Në anën tjetër, ushtria izraelite refuzoi të japë ndonjë koment kur u pyet se a është duke bërë ndonjë përgatitje për kërcënimet e mundshme që lidhen me Iranin, shkruan “Reuters”, transmeton Gazeta Express.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...