Ministri i Jashtëm gjerman në favor të Olaf Scholz për kancelar

11:00 | 28 Korrik 2020
Arditë Shkodra

Ministri i Jashtëm Social Demokrat, Heiko Maas, e ka shprehur indirekt mbështetjen e tij për Ministrin Federal të Financave, Olaf Scholz, si kandidat i Social Demokratëve (SPD) për kancelar në zgjedhjet e ardhshme kombëtare, dhe i ka bërë thirrje partisë së tij të përmbahet nga deklaratat e parakohshme.

“SPD nuk duhet të gabojë dhe të zhvillojë një debat për një kandidat për kancelar në një kohë kur vendi po merret me krizën e koronavirusit,” i tha Maas gazetës Rheinische Post në Düsseldorf.

“Mbi të gjitha, sidoqoftë, SPD tani duhet të rimarrë besimin e njerëzve dhe të mos ketë diskutim të gabuar në kohën e gabuar. Unë vetëm mund të rekomandoja SPD të garojë në zgjedhjet e ardhshme të Parlamentit Federal (Bundestagu) me besim maksimal – dhe natyrisht me një kandidat për kancelar. Kemi një nënkancelar të klasit (Olaf Scholz).Ka shumë që do t’i besonin atij për kancelarinë, përfshirë mua”, theksoi ai.

Shpërndaje në rrjete sociale

Lajmet më të lexuara

Të ngjashme

Foto lajm