Ministri francez: Nëse nuk ndihmojmë civilët e Mariupolit, do të jemi kolektivisht fajtorë

23:36 | 27 Mars 2022
Trina Galanxhi

Ministri i Jashtëm francez, Jean-Yves Le Drian, ka deklaruar se nëse asgjë nuk bëhet për të ndihmuar cilvilët në Mariupol, atëherë “fajtor jemi të gjithë”.

“Mariupol është një shembull i mrekullueshëm i rrethimit ushtarak dhe rrethimet ushtarake janë një formë e tmerrshme lufte, sepse popullsia civile po masakrohet, shkatërrohet. Vuajtjet janë të tmerrshme,” tha Le Drian në konferencën ndërkombëtare të Doha Forum, transmeton portal arbresh.info

“Kjo është arsyeja pse duhet të ketë të paktën një moment në të cilin popullata civile mund të marrë frymë,” tha ai, duke shtuar se presidenti francez Emmanuel Macron ishte i përfshirë.

Macron ka deklaruar të premtën se do të zhvillojë më shumë bisedime me Presidentin rus, Vladimir Putin, në ditët në vijim. Ai do të diskutojë situatën në Ukrainë dhe nismën për të ndihmuar civilët të largohen nga Mariupoli./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm