Ministri francez i Ambientit Nicolas Hulot ka dhënë dorëheqje në transmetim direkt të radios, një njoftim dramatik që ka kapur në befasi madje edhe presidentin Emmanuel Macron.

Ish prezantuesi dhe aktivisti ambientalist tha se dha dorëheqje pas një serie të zhgënjimeve për të adresuar ndryshimet klimatike dhe kërcënimet e tjera të ambientit, transmeton portali arbresh.info.

Hulot tha se ndihej “i vetëm” në qeveri.

Vendimi u mor në vend dhe, shtoi ai se as gruaja e tij nuk e dinte.

“Unë do të marr … vendimin më të vështirë të jetës sime,” tha ministri në një intervistë për radion France Inter.

https://twitter.com/franceinter/status/1034326947587911682?ref_src=twsrc%5Etfw%7Ctwcamp%5Etweetembed%7Ctwterm%5E1034326947587911682&ref_url=https%3A%2F%2Fwww.bbc.com%2Fnews%2Fworld-europe-45329573

Hulot tha se ai nuk i kishte thënë z. Macron apo Kryeministrit Edouard Philippe për vendimin e tij, sepse ai besonte se ata do të përpiqeshin ta bindnin të mos largohet.

Hulot është një figurë popullore në Francë dhe korrespondentët thonë se largimi i tij është një goditje e madhe për z. Macron, vlerësimet e të cilit aktualisht janë të këqija./Arbresh.info/