Një zyrtar i lartë konservator pranoi se ka vendosur 3 baste për datën se kur do të mbaheshin zgjedhjet e përgjithshme në Britaninë e Madhe, pas njoftimit të prapritur të kryeministrit Rishi Sunak.
Sekretari skocez Alister Jack deklaroi se në muajin prill ai vendosi një bast, që rezultoi i suksesshëm, se data e zgjedhjeve do të ishte midis korrikut dhe shtatorit.
Ai fillimisht tha se kishte fituar 2,100 £ prej basteve, por më vonë pretendoi se komentet e tij ishin një shaka.
“Unë nuk kisha njohuri për datën e zgjedhjeve deri në ditën kur u thirrën. Unë nuk kam vënë baste në maj dhe nuk jam nën hetim nga Komisioni i Lojërave të Fatit”, u shpreh Jack.
Alister Jack u kishte thënë kolegëve dhe gazetarëve për të paktën një vit se ai mendonte se zgjedhjet e qershorit ose korrikut kishin kuptimin më strategjik për partinë e tij.
Ai ka përfaqësuar Skocinë në kabinetin e Mbretërisë së Bashkuar që nga viti 2019, nën kryesitë e Boris Johnson, Liz Truss dhe Rishi Sunak./abcnews.al
Komentet e Biden rrezikojnë fushatën e Kamala Harris
Pentagoni thotë se një “numër i vogël” ushtarësh koreanoveri...
Themeluesi i TikTok bëhet njeriu më i pasur i Kinës
Kënga që Liam Payne incizoi para vdekjes nuk do të publikohe...
Gërvalla sot e përfaqëson Kosovën në Këshillin e Sigurimit t...
Përfshihet nga zjarri një stallë në Korçë, humb jetën një pe...
Skip to content
