Mijëra protestues në Gjermani kërkojnë hapje të kufijve të BE-së

08:17 | 4 Mars 2020
Arbresh.info

Mijëra protestues janë mbledhur në Berlin para zyrës së kancelares Angela Merkel për t’i kërkuar hapjen e kufijve mes Turqisë dhe Bashkimit Evropian.

Të paktën tre mijë persona janë mbledhur në Berlin, ndërsa protesta të ngjashme janë mbajtur në Hamburd dhe Potsdam, sipas mediave gjermane, transmeton portali arbresh.info.

Grupi “Seebrücke” (shq. “Ura e detit”), që mbajti protestat, shkroi që janë kundër politikës së mbylljes së BE dhe janë për hapje të kufijve.

“Seebrücke” thotë se dëshiron kalim të sigurt dhe marrjen fund të kriminalizimit të shpëtimit civil.

Protestuesit në Kancelarinë ikonike Federale në Berlin

Marrëveshja ‘toksike’ BE-Turqi

Protestat u organizuan ndërsa mijëra refugjatë u mblodhën në kufirin grek pasi Presidenti turk Rexhep Tajip Erdogan njoftoi javën e kaluar se vendi i tij nuk do të ndalojë më kalimin e migrantëve në BE.

Sipas të ashtuquajturës marrëveshje për refugjatët midis BE-së dhe Turqisë, të dy palët bashkëpunuan në ndalimin e migrantëve për të kaluar në BE nga Turqia./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm