Meteorologët, të shqetësuar për “Elsën”, sezoni i uraganeve një muaj para kohe

07:34 | 3 Korrik 2021
Trina Galanxhi

Meteorologët që monitorojnë Oqeanin Atlantik shprehen të shqetësuar për lajmin se një stuhi tropikale është shndërruar tashmë në një uragan të mirëfilltë, që po zmadhohet gjithmonë e më shumë dhe po i drejtohet Karaibeve.

Por më shumë se dimensionet  e ”Elsës”, shqetësohen për kohën që ajo lindi. Sipas ekspertëve, ky është uragani që është shfaqur më herët në 9 vitet e fundit, rreth një muaj më parë se mesatarja që karakterizon stinën e uraganeve në këtë cep të botës. I fundit që është shfaqur më herët ka qenë uragani ”Chris” në vitin 2012.

Ajo që shqetëson më shumë shkencëtarët është fakti që uraganet që shfaqen furishëm para kohe janë premisë e një sezoni me plot të tillë.

Sipas parashikimeve, ende paraprake, ”Elsa” mund t’i drejtohet në ditët në vijim veriut, ndoshta duke prekur Floridën.

Shpërndaje në rrjete sociale

Lajmet më të lexuara

Të ngjashme

Foto lajm