Merkel: Industria e makinave duhet të punojë shumë për të rifituar besimin

19:45 | 14 Shtator 2017
Trina Galanxhi

Kancelarja gjermane, Angela Merkel, i ka bërë thirrje industrisë gjermane të makinave që të punojnë më shumë për hir të punëtorëve dhe ekonomisë të vendit.

“Ka humbur besimi, prandaj kjo është arsyeja kryesore pse industria duhet të bëjë gjithçka për të fituar besimin, në interesin e vet dhe atë të punonjësve, gjithashtu edhe për ekonominë e vendit”, ka thënë Merkel gjatë hapjes së ekspozitës së makinave në Frankfurt, transmeton portali arbresh.info

Merkel vuri në dukje se skandali i Volkswagenit, ka shtuar sfida edhe më të mëdha, të tilla sikurse pretendimet e Kinës për ndalimin e makinave me naftë.

Ajo ka parashikuar se makinat me naftë do të vazhdojnë të jenë të nevojshme për disa dekada, ndërsa ka shtuar se në botë është duke u rritur kërkesa për modele të reja elektrike./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm