Kancelarja gjermane Angela Merkel ka fajësuar presidentin republikan në largim Donald Trump për sulmin dramatik ndaj Kapitolit.
”Pamjet e trazirave më zemëruan dhe trishtuan”, theksoi Merkel në Berlin.
“Më vjen keq që presidenti Trump nuk e ka pranuar humbjen e tij që nga nëntori dhe përsëri refuzoi ta bëjë këtë dje”, shtoi ajo.
“Një parim themelues i demokracisë është se pas zgjedhjeve ka një fitues dhe një humbës. Ata të dy kanë një rol për të luajtur për sa i përket mirësjelljes dhe përgjegjësisë, në mënyrë që demokracia të mbizotërojë”, theksoi Merkel.
”Fjalët e Biden dhe reagimet nga dy partitë e mëdha të SHBA më bëjnë mjaft të sigurt se kjo demokraci do të tregojë se është shumë më e fortë se sulmuesit dhe protestuesit”, tha Merkel, e cila do të tërhiqet nga politika pas zgjedhjeve në shtator .
“Shtetet e Bashkuara të Amerikës në më pak se dy javë do të hapin një kapitull të ri në demokracinë e tyre, siç duhet të jetë”, theksoi ajo./ATSh/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...