Google ADS

Medvedev: Mbështetja e SHBA-së për Ukrainën po i afrohet fundit të pashmangshëm

20:02 | 15 Nëntor 2023
D.H

Uashingtoni së shpejti do të ndalojë ofrimin e mbështetjes për Kievin, pasi shpenzon shumë për të, me pak ose aspak dobi në fushën e betejës.

Kështu u shpreh zëvendëskryetari i Këshillit të Sigurimit rus, Dmitry Medvedev.

“Ligjvënësit amerikanë po pengojnë financimin e shpenzimeve ushtarake izraelite dhe ukrainase për këtë vit. Arsyet janë teknike dhe … jo mjaft teknike,” shkroi ai në kanalin e tij Telegram.

“Ndërsa në rastin e Izraelit arsyeja është padyshim teknike, pasi ai vend është më i rëndësishëm për Kongresin e SHBA-së sesa i veti, gjithçka është më e ndërlikuar për sa i përket regjimit ukrainas,” tha Medvedev, duke tërhequr vëmendjen për faktin se ” Shtetet e Bashkuara i fshijnë lehtësisht minionët e tyre kur bëhen të padobishëm”.

Medvedev parashikon se kjo është pikërisht ajo që do të ndodhë me Ukrainën./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm