Mediat kineze: Kim Jong-un në bisedime me Xi Jinping

01:56 | 28 Mars 2018
Trina Galanxhi

Presidenti kinez, Xi Jinping ka zhvilluar bisedime në Pekin me liderin e Koresë Veriore, Kim Jong-un.

Lajmin e ka konfirmuar agjencia e lajmeve kineze “Xinhua” përmes një postimi në mediat sociale, transmeton portali arbresh.info

“Xi Jinping dhe Kim Jong-un po zhvillojnë bisedime në Pekin”, shkruan media në fjalë pa dhënë detaje më të hollësishme.

Sekreti përreth udhëtimit, i cili u raportua për herë të parë pas arritjes së një treni të blinduar që mbante shënjat e Koresë së Veriut në kryeqytetin kinez të hënën, kishte shkaktuar spekulime se Kim kishte udhëtuar në Kinë për të takuar presidentin kinez përpara se ky i fundit të zhvillonte takim me SHBA-të.

Megjithatë, vizitën zyrtarisht nuk e kanë konfirmuar as Kina dhe as Koreja Veriore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm