Më shumë se njëqind njerëz u sëmurën pas një dasme në Afganistan

00:33 | 17 Maj 2022
Trina Galanxhi

Më shumë se njëqind njerëz, duke përfshirë dhëndrin dhe fëmijët, janë helmuar me ushqim gjatë një dasme në veri të Afganistanit.

Njerëzit filluan të sëmuren pasi ushqimi u shërbeu në një martesë në provincën Takhar, tha zëdhënësi i policisë provinciale Abdul Mobin Safi, transmeton portal arbresh.info

Policia arrestoi tetë persona, mes të cilëve një shef kuzhine, por nuk bëri të ditur motivin e mundshëm.

Nuk është e qartë se çfarë e shkaktoi helmimin e mundshëm në distriktin Chah Ab, por një zyrtar lokal sugjeroi se mund të ishte vaji i gatimit të farës së lulekuqes.

Një mjek në një spital lokal tha se ata kishin pranuar gjithsej 103 pacientë deri në mesnatë. Dhjetë prej tyre ishin në gjendje kritike kur mbërritën.

Ky nuk është incidenti i parë në provincë. Dhjetra vendas u helmuan në maj të vitit të kaluar gjatë një ceremonie fetare. Shkak i helmimit ka qenë hashashi në ushqim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm