Më shumë se dymijë të arrestuar gjatë protestave në Iran

16:53 | 3 Dhjetor 2019
Arbresh.info

Më shumë se 2.000 persona që prej muajit të kaluar janë arrestuar në protestat kundër rritjes së çmimit të karburantit në Iran, tha sot guvernatori i Teheranit, Anoushirvan Mohseni-Bandpey, transmeton Anadolu Agency (AA).

“Shumë prej protestuesve u morën në pyetje dhe disa u lanë të lirë, ndërsa ata që morën urdhra nga jashtë për të ndezur dhe irrituar rrugët dhe destabilizuar sigurinë dhe stabilitetin e njerëzve, mbeten në paraburgim dhe në marrje në pyetje”, tha Mohseni-Bandpey, raportoi agjencia gjysmëzyrtare e lajmeve Mehr.

Ai tha se 29 stacione karburanti u dogjën dhe 47 dyqane dhe mbi 140 banka u dëmtuan rëndë gjatë protestave.

Demonstratat shpërthyen në gjithë Iranin më 15 nëntor pasi qeveria vendosi racionimin e benzinës dhe rriti çmimet e karburantit me së paku 50 për qind.

Derisa autoritetet iraniane nuk kanë dhënë asnjë shifra nga protestat, Amnesty International ka thënë se të paktën 208 protestues janë vrarë gjatë demonstratave.

Shpërndaje në rrjete sociale

Lajmet më të lexuara

Të ngjashme

Foto lajm