Google ADS

Më shumë se 70 të burgosur vdiqën në përleshjet e bandave në tre burgje në Ekuador

10:50 | 24 Shkurt 2021
Arbresh.info

Më shumë se 70 persona janë vrarë në trazirat në tre burgje në Ekuador, të kryera nga organizata lokale kriminale, lajmëroi mbrëmë Drejtoria e burgjeve të vendit, njoftoi DPA.

Qendra kombëtare e kujdesit për personat të privuar nga liria (SNAI) lajmëroi se kishte regjistruar 13 viktima shtesë, kështu duke e çuar gjithsej në 75, pasi edhe më tej vazhdonë të mblidhej informacioni mbi dhunën në të tre burgjet.

“Disa anëtarë të stafit u plagosën në prishjen e rendit dhe paqes në burgje, por askush nuk u vra”, deklaroi drejtori i SNAI-të, Edmundo Monkajo ​​në një konferencë shtypi, njoftoi DPA.

Policia e Ekuadorit e konfirmoi në Twitter se më shumë se 50 persona ishin vrarë në trazirat në tre burgjet.

Qeveria i përshkroi trazirat si “veprim i koordinuar nga krimi i organizuar”, njoftojnë mediat britanike.

Trazirat shpërthyen në katër burgje dhe sipas kryeministres Patrisha Pazmin, ato ishin rezultat i përplasjeve midis bandave kriminale në to.

Sipas njoftimeve të mediave lokale, anëtarët e familjes së të arrestuarve e konfirmuan këtë informacion, duke thënë se anëtarët e një bande sulmuan anëtarët e një bande tjetër.

Presidenti Lenin Moreno tha se policia po bën gjithçka për të rivendosur rendin në burgje, njoftuan mediat botërore.

“Policia dhe Ministria e Punëve të Brendshme po punojnë për të rimarrë kontrollin e burgjeve në Gvajakill, Kuenka dhe Latakunga”, shkroi Moreno në Tuiter.

Moreno më vonë shtoi se ai kishte urdhëruar Ministrinë e Mbrojtjes të “kryente kontroll të rreptë të armëve, municioneve dhe pajisjeve shpërthyese në perimetrin e jashtëm të burgjeve” pas trazirave të dhunshme në tre burgjet.

Armata ekuadoriane ka lajmëruar se mbështet policinë në operacionet e sigurisë përreth tre burgjeve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm