Më shumë 200 emigrantë dyshohet se kanë humbur jetën në brigjet e Libisë

21:24 | 23 Mars 2017
Trina Galanxhi

Më shumë se 200 emigrantë dyshohet se kanë vdekur pasi një anije është fundosur në brigjet e Libisë, deklaron një organizatë spanjolle.

Organizata ‘Procativa Open Arms’ tha se pesë trupa janë gjetur në afërsi të barkës së përmbysur, transmeton portali arbresh.info.

Sipas mediave spanjolle pesë trupat ishin të gjinisë mashkullore të cilët kanë humbur jetën gjatë tentimit për të kaluar nga Deti Mesdhe në vendet e BE-së.

Një zëdhënës i rojës bregdetare në Itali ka konfirmuar për gjetjen e pesë trupave, ndërsa dyshohet se të paktën 240 persona mund të kenë humbur jetën pasi barkat që transportonin emigrantët ishin të mbingarkuara./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm