Mbytja e jahtit luksoz në Siçili, gjendet trupi i miliarderit britanik

13:47 | 22 Gusht 2024
R J

Trupi i miliarderit britanik Majk Linç është rikuperuar dhe nxjerrë në breg, pas mbytjes së jahtit të tij në ujërat e Siçilisë.

Deri tani 5 persona janë konfirmuar të vdekur nga incidenti dhe një tjetër konsiderohet ende i humbur.

15 persona të tjerë arritën të mbijetonin pasi u shpëtuan nga një varkë që ndodhej aty pranë.

Jahti 56 metra i gjatë u mbyt në orët e para të së hënës gjatë një stuhie të dhunshme, pasi ishte larguar rreth 1 kilometër nga brigjet e qytezës Portiçelo.

Zyrtarë të mbrojtjes civile deklaruan se besonin se mjeti lundrues ishte goditur nga një tornado, i njohur si “gryka e ujit”.

Por pyetja se si një varkë kaq e madhe u fundos brenda pak minutash mbetet e hapur.

Të mërkurën, autoritetet italiane morën në pyetje kapitenin e jahtit të tipit “Bajezian”, Xhejms Katfilld, për rreth 2 orë, në përpjekje për të zbuluar më shumë.

Për të njëjtin qëllim, hetuesit italianë po marrin në pyetje edhe të mbijetuarit e tragjedisë./euronews.al/

Shpërndaje në rrjete sociale

Lajmet më të lexuara

Të ngjashme

Foto lajm