Mbytet në pishinën e familjes 2-vjeçari në Itali

09:52 | 18 Korrik 2023
E.K

Një ngjarje e rëndë ka ndodhur në Itali ku një fëmijë 2 vjeç është mbytur në pishinën e shtëpisë së tij.

Mediat vendase shkruajnë se tragjedia ka ndodhur në Taurisano, në provincën e Leçes në Itali, ku një djalë dy vjeçar u mbyt në pishinën e vilës.

Djali i vogël, i cili ishte me nënën dhe gjyshen e tij, dhe në një moment është larguar nga vëmendja e tyre.

Ka qenë gjyshja ajo që ka zbuluar trupin në ujë. Menjëherë në vendngjarje ka mbërritur ambulanca e 118-ës, por fëmija tashmë kishte vdekur.

Fëmija i kishte shpëtuar kontrollit të të afërmve. Policia ka nisur hetimet për aksidentin. Ky është rasti i disatë në Itali që ndodh mbytja e të miturve në pishinë, që në shumicën e rasteve kanë shkak pakujdesinë e familjarëve./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm