Autoritetet në SHBA njoftuan Kongresin për të mbyllur 2 konsullatat në Rusi, transmeton Anadolu Agency (AA).
Sipas informacioneve që ka siguruar Associated Press, mësohet se autoritetet në SHBA-së kanë informuar Kongresin më 10 dhjetor për mbylljen e plotësishme të konsullatës në qytetin Vladivostok të Rusisë dhe për të pezulluar përkohësisht aktivitetet e konsullatës në qytetin Yekaterinburg.
Ky hap i SHBA-së për konsullatat në fjalë do të ndërmerret pasi qeveria ruse kërkoi në vitin 2017 pakësimin e diplomatëve amerikanë në vend.
Përfaqësia e vetme diplomatike do të jetë ambasada në Moskë
Pas procesit të mbylljes për të cilin nuk është caktuar datë, përfaqësuesi i vetëm diplomatik i SHBA-së në Rusi do të jetë ambasada në Moskë.
Më parë Rusia mori vendimin për mbylljen e konsullatës së SHBA-së në Saint Petersburg, pasi Washingtoni dha urdhër për mbylljen e konsullatës ruse në Seattle në vitin 2018.
SHBA ka gjithsej një staf prej 33 personash që punojnë në konsullatat në Yekaterinburg dhe Vladivostok.
Pacolli takon kryeministrin e Irakut: Ramë dakord që të viz...
Kurti: Kontributi i diasporës për vendin tonë mbetet madhor ...
Bernardo Silva tallet me Arsenalin shkak trofetë
Qëlluan me armën e shërbimit qytetarin, shpallet në kërkim e...
Çrregullimi Emocional Sezonal gjatë vjeshtës, si ta përballo...
Joshua jep mesazhin pas humbjes së dëshpruese ndaj Dubois