Mbretëria e Bashkuar tani ka shkallën më të lartë të vdekjeve nga Covid-19 sesa çdo vend në botë, sipas të dhënave më të fundit të publikuara.

Një mesatare prej 935 vdekjeve ditore në MB përgjatë javës që shkoi ishte e barabartë me 16 njerëz në çdo million që vdes çdo ditë nga koroanvirusi, transmeton portali arbresh.info

Shifrat e përpiluara nga platforma Our e Universitetit të Oksfordit tregojnë se asnjë vend nuk e ka shkallën e vdekshmërisë së Britanisë për kokë banori.

Mbretëria e Bashkuar kaloi Republikën Çeke, e cila kishte mbajtur vendin e parë që nga 11 janari, pasi qeveria publikoi vdekjet e fundit të koronavirusit të Dielën në mbrëmje.

Shifrat e fundjavës kanë tendencë të jenë më të ulëta për shkak të një vonese në raportim, që do të thotë se numri i vdekjeve të reja ditore në Mbretërinë e Bashkuar ka të ngjarë të rritet edhe një herë kur shifrat e reja të njoftohen të hënën.

Një tjetër 671 vdekje Covid-19 e regjistruar të Dielën e çon numrin e përgjithshëm të vdekjeve të konfirmuara nga virusi në MB në 89,261.

Ky është numri më i lartë kumulativ i vdekjeve në Evropë dhe renditet vetëm pas SHBA, Brazili, India dhe Meksika globalisht – të gjitha vendet kanë popullsi shumë më të lartë./arbresh.info/