Kryeministri Rishi Sunak dhe udhëheqësi holandez Mark Rutte kanë rënë dakord të ndërtojnë një “koalicion ndërkombëtar” për të ndihmuar në blerjen e avionëve luftarakë F-16 për Ukrainën, ka njoftuar qeveria britanike.

Një zëdhënës i Downing Street tha se Sunak dhe Rutte “do të punonin për të ndërtuar një koalicion ndërkombëtar për t’i ofruar Ukrainës aftësitë ajrore luftarake, duke mbështetur gjithçka, nga trajnimi deri te blerja e avionëve F-16”.

“Kryeministri përsëriti besimin e tij se vendi i Ukrainës është në NATO dhe liderët ranë dakord për rëndësinë që aleatët të ofrojnë ndihmë afatgjatë për sigurinë për Ukrainën për të garantuar se mund të pengojnë sulmet e ardhshme.

“Udhëheqësit ranë dakord të vazhdojnë të punojnë së bashku si në mënyrë dypalëshe ashtu edhe përmes forumeve të tilla si Komuniteti Politik Europian për të trajtuar trafikimin e njerëzve në kontinentin tonë.

Deklarata e të martës erdhi një ditë pasi presidenti i Ukrainës la të kuptohet se Kievi mund të marrë së shpejti avionë luftarakë F-16 , duke thënë se ai shpresonte për vendime “shumë të rëndësishme” me ndihmën e Mbretërisë së Bashkuar.

Mbretëria e Bashkuar tha në shkurt se do të fillonte trajnimin e pilotëve ukrainas në teknikat standarde të NATO-s. Britania nuk përdor F-16, të prodhuar nga firma amerikane e mbrojtjes Lockheed Martin në Karolinën e Jugut.

Ukraina ka kërkuar t’i marrë ato për disa kohë për të shtuar forcën e saj të vogël ajrore të standardit sovjetik, sepse ato janë gjerësisht të disponueshme, me rreth 3,000 në shërbim në 25 vende.

Të dy vendet do të duhet të bindin SHBA-në nëse Ukraina do të marrë F-16. I pyetur më vonë të hënën nëse SHBA kishte ndryshuar qëndrimin e saj për furnizimin e avionëve në Ukrainë, John Kirby, një zëdhënës i Këshillit të Sigurisë Kombëtare të Shtëpisë së Bardhë, u përgjigj me një fjalë: “Jo”.

/abcnews.al