Mbretëresha Elizabeth II shfaqet për herë të parë që nga Marsi

01:16 | 15 Maj 2022
Trina Galanxhi

Mbretëresha Elizabeth II, e cila u detyrua të humbiste hapjen tradicionale zyrtare në parlament në fillim të kësaj jave është parë sërish në publik në një shfaqje kuajsh afër shtëpisë së saj.

Për 96-vjeçaren, ky është eventi i preferuar, i cili nisi ditën e enjten dhe do të zgjasë deri të dielën në Royal Windsor.

Nga një foto e shkrepur në drejtim të makinës së saj, monarkja u shfaq e buzëqeshur në sediljen e pasagjerit. E veshur me një pulovër dhe këmishë me jakë, ajo kishte vendosur edhe buzëkuqin e saj rozë të ndezur.

Pjesmarrësit dukeshin po aq të emocionuar kur e panë atë në ngjarjen e dashur edhe nga bashkëshorti i saj Princi Philip, i cili ndërroi jetë Prillin e kaluar në moshën 99-vjeçare.

Jeta publike e Mbretëreshës është kufizuar nga problemet e shëndetësore. Ajo e ka patur të vështirë të qëndrojë në këmbë për periudha të gjata dhe kjo është arsyeja pse ajo është parë duke përdorur së fundmi me një bastun./klan.al/

Shpërndaje në rrjete sociale

Lajmet më të lexuara

Të ngjashme

Foto lajm