Mbi 150 të vdekur nga përmbytjet në Sri Lanka

22:49 | 28 Maj 2017
Trina Galanxhi

Përmbytjet në Sri Lanka kanë marrë jetët e 150 persona, ndërsa më shumë se 100 konsiderohen të zhdukur.

Vendi vazhdon të përballet me rrezikun e përmbytjeve të vazhdueshme pasi shirat e rrëmbyeshëm nuk kanë ndaluar, transmeton portali arbres.info

Shirat e rrëmbyeshëm në ishullin e Oqeanit Indian konsiderohen më të të këqijtë që nga viti 2003.

Departamenti i Meteorologjisë tha se mund të ketë rënie të madhe të shiut mbi 100 milimetra në Sri Lanka qendrore brenda 36 orëve të ardhshme.

Numri i të vdekurve është rritur në 151, ndërsa 111 persona ende raportohen të zhdukur dhe 95 të plagosur, tha qendra e menaxhimit të fatkeqësive shtetërore.

Rreth 500 mijë njerëz janë prekur nga fatkeqësia./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm