Shtetet e Bashkuara nuk duan luftë, por çarmatosjen e plotë nukleare të Koresë së Veriut. Kështu u shpreh Sekretari amerikan i Mbrojtjes, James Mattis, ndërsa vizitoi zonën e çmilitarizuar në Panmunjom, një fshat në kufirin mes dy Koreve.
Shefi i Pentagonit, i cili po zhvillon një vizitë dyditore në Korenë e Jugut, i bëri thirrje udhëheqësit të Penianit, Kim Jong-un, të shmangë provokimet që kërcënojnë të tjerët me një katastrofë.
“Provokimet e Koresë së Veriut vazhdojnë të kërcënojnë paqen rajonale e botërore, pavarësisht dënimit unanim në Këshillin e Sigurimit të Kombeve të Bashkuara”, tha James Mattis.
Disa metra larg kufirit me Veriun, si dhe nën vëzhgimin e ushtarëve të Penianit, Mattis tha në krah të homologut koreano-jugor, Song Young-moo, se vizita në zonën e çmilitarizuar sqaron dallimet e thella mes dy Koreve.
Në fshatin Panmunjeom u firmos deklarata e armëpushimit në vitin 1953, e cila i dha fund luftës në gadishull. Një megastërvitje ushtarake, që do të përfshijë mobilizimin e 3 aeroplanmbajtëseve amerikane dhe të grupeve të sulmit, do të zhvillohet në muajin nëntor në zonën e Azi-Paqësorit.
Ndërkohë, presidenti amerikan Donald Trump bëhet gati të nisë turin e tij të parë në Azi, duke vizituar në gjysmën e parë të muajit të ardhshëm Japoninë, Korenë e Jugut dhe Kinën.
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë
Tiranë: Gruaja tenton të rrëmbejë 2-vjeçaren, arrestohet
Trepça fiton derbin lokal, Prishtina e Re ‘shkatërron’ Vjosë...
Izraeli nis hetimet pasi ushtarët e tij u filmuan duke hedhu...