Google ADS

Mattis: Kërcënimet ndaj SHBA-ve dhe aleatëve, do të përballen me reagim ushtarak

21:49 | 3 Shtator 2017
Trina Galanxhi

Pas ‘provokimit të fundit’ të Koresë Veriore, në lidhje me testimin e raketës së gjashtë balistike, SHBA-të kanë deklaruar se janë të gatshëm të mbrojnë vendin dhe aleatët e tyre, Korenë Jugore dhe Japoninë.

Shefi i Pentagonit, James Mattis, ka zbuluar se Presidenti Donald Trump ka kërkuar që të informohet për për çdo reagim ushtarak ndaj testit bërthamor të kryer nga Pheniani, transmeton portali arbresh.info

“Ne kemi aftësi të mbrojmë veten dhe aleatët tanë nga kërcënimet të ashpëra”, tha Mattis në një deklaratë që lexoi për gazetarët jashtë Shtëpisë së Bardhë.

“Çdo kërcënim ndaj Shteteve të Bashkuara ose territoreve të saj përfshirë Guamin dhe aleatët tanë, do të përballen me një reagim masiv ushtarak.  Ne nuk kërkojmë asgjësimin total të një vendi, në këtë rast të Koresë Veriore, por kemi mundësi ta bëjmë edhe një gjë të tillë”, ka shtuar ai.

Testimi i raketës ndërkontinetale nga regjimi komunist ka nxitur reagim nga të gjithë liderët botërorë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm