Mania për djem, qindra vajza të porsalindura gjenden pa shenja jete

15:25 | 1 Maj 2018
Arbresh.info

Qindra foshnje të porsalindura janë gjetur të hedhura në grumbuj plehrash në Pakistan përgjatë vitit të shkuar, për shkak të kulturës që preferon djemtë.

Një total prej 345 bebeve janë gjetur pa shenja jete në Karaçi të Pakistanit, një nga qytetet më të populluara, transmeton portali arbresh.info.

Në një rast të tmerrshëm, një vajzë katër-ditëshe ishte gjetur me fyt të prerë. Një tjetër e porsalindur u la në dyert e xhamisë, por më vonë u gjuajt me gurë për vdekje, pasi që kleriku mendoi që ishte një fëmijë jashtëmartesor.

Sipas The News International, aktivistët nga Fondacioni Chhipa Welfare thonë se deri në 93 raste të tilla kanë ndodhur në Karaçi, 70 vitin e shkuar e 23 këtë vit.

Vrasja e foshnjave është një vepër penale në Pakistan dhe policia thotë se varfëria dhe analfabetizmi janë shkaqet kryesore./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm